Turin politexnika universitetida vazirlik va idoralar vakillari uchun “Davlat xaridlari va fuqarolarga xizmat ko‘rsatish” mavzuida seminar bo‘lib o‘tdi, deb yozadi Spot. Unda “Davlat xaridlari to‘g‘risida”gi O‘zbekiston Respublikasi Qonuni kuchga kirganidan keyin yuz bergan asosiy o‘zgarishlar birinchi marta e’lon qilindi.
O‘zbekiston Prezidenti huzuridagi loyiha boshqaruvi milliy agentligi Qonunchilikni uyg‘unlashtirish boshqarmasi boshlig‘i Anna Polvonova qonun kuchga kirganidan keyin o‘tgan olti oy davomida ijobiy samara yaqqol ko‘zga tashlanganini ta’kidladi: nafaqat davlat xaridlari sohasida shaffoflik oshgan, balki xaridlar bo‘yicha davlat budjeti katta miqdorda tejalgan (8,7 foizdan 17,6 foizgacha).
“Uch oy ichidagina 113,2 milliard so‘mdan ortiq mablag‘ tejalgan, bu esa soliq to‘lovchilarning puli”, — dedi Polvonova.
Izoh (0)