O‘zbekistondagi AQSh elchixonasi O‘zbekiston fuqarolari 3-oktabrdan grin kard lotereyasi uchun ariza topshirishni boshlashi mumkinligi haqida ma’lum qildi.
2020-yil “Turli millatga mansub immigrantlar vizasi – Grin Kard lotereyasi” dasturiga (DV-2020) 2018-yil 3-oktabrdan 6-noyabrgacha ariza topshiring. 2020-yil dasturida mamlakatlar ro‘yxatida o‘zgarish yo‘q, ya’ni O‘zbekistonda tug‘ilgan barcha shaxslar bir marta, ism-sharifi pasportida yozilganiga aniq muvofiq holda, olinganiga 6 oydan oshmagan fotosurat bilan hamda barcha oila a’zolarini qo‘shib ariza topshirish huquqiga egalar. “Turli millatga mansub immigrantlar vizasi – Grin Kard lotereyasi” dasturiga (DV-2020) ariza topshirish tekin. Arizalarni faqatgina Internet orqali dvlottery.state.gov manzilida 3-oktabrdan boshlab topshiring”, — deyiladi Facebook’ka joylangan xabarda.
Izoh (0)