Toshkent shahrining Chilonzor tumani Qatortol ko‘chasida joylashgan “Territoriya” restoranida 22 sentyabr kuni yong‘in yuz berdi. Shahar IIBBdan ma’lum qilishlaricha, hodisa oqibatida muassasa tomining bir qismi yongan.
Yong‘in haqidagi axborot IIB Yong‘in xavfsizligi boshqarmasining Kuch va vositalarni boshqarish va muvofiqlashtirish markaziga 17:51 da kelib tushgan. 18:00 da hodisa joyiga oltita o‘t o‘chirish guruhi yetib borgan. 18:30 da olov o‘chirilgan.
Yong‘in oqibatida restoran tomining 60 kvadrat metri zarar ko‘rgan. Hodisa oqibatida halok bo‘lganlar va tan jarohati olganlar yo‘q. Yong‘in sabablari va uning oqibatida yetkazilgan zarar miqdori aniqlanmoqda.
Izoh (0)