Toshkent shahar ichki ishlar boshqarmasiga Chilonzor tumanida yashovchi G‘.I. murojaat qilib, kechasi soat 23:00 atrofida Beshqo‘rg‘on ko‘chasidagi uyi oldida turgan “VAZ-2106” avtomobili olib qochilganini xabar qilgan, deb yozadi Toshkent shahar IIBB matbuot xizmati.
Fuqaroning ma’lum qilishicha, avtomashina yopiq holda bo‘lgan.
Qayd etilishicha, Toshkent shahar IIBB xodimlari mashinaning qayerda ekanligini bir soatdan ko‘proq vaqt ichida aniqlagan va uni olib qochgan shaxsni ushlagan.
Jizzaxlik 25 yoshli S.U. Toshkent viloyati Zangiota tumani Erkin ko‘chasida to‘xtatilgan. U alkogol ichimlik ta’sirida bo‘lgani uchun mashinani qayerdan va nima uchun olib qochganini tushuntirib bera olmagan.
Avtomobil o‘z egasiga texnik soz holatida topshirildi, biroq uning haydovchi eshigi tomonidagi qulfi buzilgan edi. Hozirda holat yuzasidan jinoiy ish qo‘zg‘atilgan.
Izoh (0)