Тошкент шаҳрининг Чилонзор тумани Қатортол кўчасида жойлашган «Территория» ресторанида 22 сентябр куни ёнғин юз берди. Шаҳар ИИББдан маълум қилишларича, ҳодиса оқибатида муассаса томининг бир қисми ёнган.
Ёнғин ҳақидаги ахборот ИИБ Ёнғин хавфсизлиги бошқармасининг Куч ва воситаларни бошқариш ва мувофиқлаштириш марказига 17:51 да келиб тушган. 18:00 да ҳодиса жойига олтита ўт ўчириш гуруҳи етиб борган. 18:30 да олов ўчирилган.
Ёнғин оқибатида ресторан томининг 60 квадрат метри зарар кўрган. Ҳодиса оқибатида ҳалок бўлганлар ва тан жароҳати олганлар йўқ. Ёнғин сабаблари ва унинг оқибатида етказилган зарар миқдори аниқланмоқда.
Изоҳ (0)