Daimler kompaniyasi Mercedes-AMG qatoridagi eng arzon model bo‘lgan A35 xetchbekining dastlabki suratlarini e’lon qildi. Yevropalik xaridorlar yangi mashinaga oktabr oyidan boshlab buyurtma berishi mumkin. Dastlabki avtomobillar xaridorlarga joriy yilning dekabr oyida yetkazib berilishi rejalashtirilgan. Bu haqda “Motor” xabar berdi.
Dastlabki ma’lumotlarga ko‘ra, Mercedes-AMG A35 ikki litr sig‘imli va 300 ot kuchiga ega turbodvigatel bilan jihozlanadi. Dvigatel yetti darajali robotlashtirilgan tezlik uzatish qutisi va to‘liq uzatmada harakatlanadi.
Bir yildan keyin Mercedes-AMG qatorida A45 va undan ham kuchliroq A45 S modellarining paydo bo‘lishi kutilmoqda. Mazkur mashinalarda dvigatellarning quvvati 400 ot kuchidan oshadi.
Izoh (0)