Saudiya Arabistonida ayol kishining mashinasini yoqib yuborishdi, deb xabar beradi The Independent.
Salma al-Shariy ayollarning mashina haydashiga ruxsat berilishi haqida xabarlar paydo bo‘lishi bilan, avtomobil sotib olish va haydovchilik guvohnomasini olish uchun harakat qilishni boshlagan. Bu ayol uchun muhim bo‘lgan, chunki ilgari haydovchi yollashga maoshining yarmini sarflashga majbur bo‘lgan.
Ayolga uning qishlog‘ida yashovchi erkaklar bir necha marta tahdid qilgan, ammo u ta’nalarga e’tibor bermaslikka qaror qilgan, shunda uning mashinasini yoqib yuborishgan.
Twitter’da voqea joyidan olingan video paydo bo‘ldi. Unda ayol kishi yonayotgan mashinaga qarab yig‘layotganini ko‘rish mumkin.
Politsiya ayni paytda o‘t qo‘yib yuborganlarni qidirmoqda. Tasdiqlanmagan ma’lumotlarga ko‘ra, okrug hukumati ayolga zudlik bilan boshqa avtomobil taqdim etgan.
https://twitter.com/Y2016M10/status/1013957275449417729
Izoh (0)