2-iyul kuni AQShning Florida shtatida 300 dan ortiq ekzotik hayvonlarni o‘z ichiga olgan xususiy qo‘riqxona yashin urishi natijasida yonib ketdi, deb yozadi National Geographic.
Hayvonlar saqlanadigan, yog‘ochdan yasalgan omborni yashin urgan, alanga quruq konstruksiya bo‘ylab shunchalik tez tarqalganki, qo‘riqxona egasi uning yonginasida joylashgan uyidan chiqib kelgunicha olov binoni to‘liq qamrab olgan. Yetib kelgan o‘t o‘chiruvchilar ham qo‘riqxonani saqlab qolishga ulgurmagan.
Dastlabki hisob-kitoblarga ko‘ra, yong‘in oqibatida 200 ga yaqin sudralib yuruvchilar va 100 tacha baliq nobud bo‘lgan. Eng uzoq burchaklarga tiqilib olgan bir nechta jonivorlargina omon qolgan.
O‘t o‘chiruvchilar fikricha, bino bunchalik oson alangalanuvchi materiallardan qurilmasligi kerak. Bundan tashqari, unda yashinqaytargich bo‘lishi zarur.
Izoh (0)