Tailandda qisman suv ostida qolgan Kxao Luang g‘oridan futbol jamoasi a’zolari bo‘lgan maktab o‘quvchilari va ularning murabbiyini qutqarish chog‘ida akvalangchilardan biri halok bo‘ldi, deb yozadi “TASS”.
Tailand harbiy-dengiz kuchlari ofitseri operatsiyaning 13-kuni halok bo‘lgan. U g‘ordagi bolalarga kislorod ballonlarini yetkazib berib, ortiga qaytayotganida hushini yo‘qotgan va qaytib ko‘zini ochmagan.
11 yoshdan 16 yoshgacha bo‘lgan bolalar hamda ularning 25 yoshli murabbiylari 23-iyun kuni yo‘qolib qolgandi. Ularga tegishli narsalarni Tailand shimolidagi g‘orga kiraverishdan topishdi. Keyingi kun esa kuchli yomg‘ir boshlangani uchun g‘orga kirish qiyinlashgan. G‘orning bir qismini sel oqizib ketdi.
Izoh (0)