Dushanbedagi Milliy tibbiyot markazi shifokorlari 9 oylik go‘dak tanasida 10ta igna borligini aniqladi. Bu haqda Sputnik xabar bermoqda.
O‘tkazilgan rentgen natijasida bolaning bosh, burun, oyoq, bo‘yin va ko‘krak qafas qismlarida ignalar borligi aniqlandi. Dastlabki operatsiya davomida 6 ta igna chiqarib olindi.
Ignalar qanday qilib bolaning tanasiga tushib qolgani hozircha noma’lum. Operatsiyaga qadar bola o‘zini tinch tutgan, uni biror narsa bezovta qilayotgani sezilmagan.
Bolaning onasi 28-iyun kuni go‘dak milkida ignalarning birini payqab qolgan va uni chiqarib olgan. Shundan so‘ng ular kasalxonaga murojaat qilgan.
Uning otasi Rossiyada mehnat muhojiri, onasi uy bekasi va bolalarini bir o‘zi tarbiyalaydi.
Eslatib o‘tamiz, oldinroq farg‘onalik 11 oylik chaqaloqning tanasidan 16 ta igna topilgani ma’lum qilingandi.
Izoh (0)