Xitoydagi eng yirik konglomeratlardan biri — HNA Group hamasoschisi va direktorlar kengashi raisi Van Szyan 3-iyul kuni Fransiyaga xizmat safari chog‘ida vafot etdi, deb yozadi “Kommersant”.
HNA Group saytidagi bayonotda uning vafotiga Fransiya janubi, Provansdagi baxtsiz hodisa sabab bo‘lgani aytilgan.
Fransiya politsiyasi aniqlik kiritishicha, Van sayyohlik guruhi tarkibida qadimiy Bonnyo qishlog‘iga tashrif buyurgan va u yerda baland devorga chiqib, suratga tushmoqchi bo‘lgan. 57 yoshli biznesmen o‘zini tuta olmay, 15 metr balandlikdan yiqilgan.
Politsiya uning o‘limi yuz bergan holatni shubhali deb hisoblamayapti.
Izoh (0)