Toshkent shahrining Olmazor tumanida muqaddam sudlanib, jazoni o‘tab chiqqan shaxslar uchun bo‘sh ish o‘rinlari yarmarkasi tashkil etildi. Bu haqda IIBB matbuot xizmati ma’lum qildi.
Hozirda tuman ichki ishlar organlarida profilaktik hisobda turuvchi muqaddam sudlangan shaxslar 1711 nafarni tashkil qilib, 120 nafari ma’muriy nazorat ostiga olingan. Ularning har biri bilan esa ichki ishlar bo‘limlari va tuman prokuraturasi xodimlari tomonidan profilaktik suhbatlar o‘tkazilib kelinmoqda.
O‘tkazilgan bo‘sh ish o‘rinlari yarmarkasida joriy yil jazo muddatini o‘tab chiqqan fuqarolarning 40 nafari hududdagi jamoat ishlariga jalb etildi. Muqaddam sudlanganlarga berilayotgan bu kabi imkoniyatlar ular orasida qayta jinoyat sodir etilishini oldini olishda muhim ahamiyatga ega.
Yarmarkada 100 dan ortiq korxona va tashkilotlardan ish beruvchi korxonalarning vakillari ishtirok etdi. Tadbir doirasida kitoblar ko‘rgazmasi hamda taniqli san’atkorlar ishtirokida konsert dasturi ham namoyish qilindi.
Izoh (0)