Hozirda Lenovo kompaniyasiga qarashli Motorola kompaniyasi modul smartfonlarining yangi avlodini — Z3 Play’ni taqdim etdi, deb xabar beradi “Hi-tech.mail.ru”.
Mazkur smartfon o‘zining orqa paneli bilan Z2 Play’dan farq qilmaydi: shishali yuza, bo‘rtib chiqqan kamera va Moto Mods modullariga ulanishga mo‘ljallangan magnit maydoncha.
Biroq smartfonning old ko‘rinishi jiddiy o‘zgarishga uchragan, barmoq izi skaneri qurilmaning yon tomoniga ko‘chirilgan. Ekran diagonali esa 6 dyuymni tashkil etadi.
Smartfonga 12+5 megapikselli ikkitalik kamera o‘rnatilgan, frontal kamerasi esa 5 megapiksell. Qurilma Snapdragon 636 protsessori, 4 gigabayt tezkor xotira va 32/64 gigabayt ichki xotira yordamida ishlaydi.
Moto Z3 Play AQShda 499 dollardan sotuvga chiqqan.
Izoh (0)