Ҳозирда Lenovo компаниясига қарашли Motorola компанияси модул смартфонларининг янги авлодини — Z3 Play’ни тақдим этди, деб хабар беради «Hi-tech.mail.Ru».
Мазкур смартфон ўзининг орқа панели билан Z2 Play’дан фарқ қилмайди: шишали юза, бўртиб чиққан камера ва Moto Mods модулларига уланишга мўлжалланган магнит майдонча.
Бироқ смартфоннинг олд кўриниши жиддий ўзгаришга учраган, бармоқ изи сканери қурилманинг ён томонига кўчирилган. Экран диагонали эса 6 дюймни ташкил этади.
Смартфонга 12+5 мегапикселли иккиталик камера ўрнатилган, фронтал камераси эса 5 мегапикселл. Қурилма Snapdragon 636 процессори, 4 гигабайт тезкор хотира ва 32/64 гигабайт ички хотира ёрдамида ишлайди.
Moto Z3 Play АҚШда 499 доллардан сотувга чиққан.
Изоҳ (0)