Afg‘onistonning Log‘ar viloyatida tolibonlar tomonidan Gul Nabi ismli oqsoqol o‘ldirildi. U AQSh prezidenti Donald Trampga “jasurlik” uchun oltin medal tayyorlaganidan so‘ng mashhur bo‘lib ketgan edi. Bu haqda EADaily xabar berdi.
Trampni jasurlik uchun taqdirlash haqida Nabi o‘zining o‘rtog‘i mahalliy politsiya qo‘mondoni Farhod Akbariy bilan o‘ylagan. Taqdirlash haqidagi fikrning yuzaga kelishiga AQSh tomonidan qo‘shni Pokistonga harbiy yordamning to‘xtatilgani sabab bo‘lgan.
Joriy yilning yanvar oyida faollar oltindan qo‘lbola medal tayyorlash uchun mablag‘ yig‘ishni boshlagan. Log‘ar viloyatining taxminan 300 nafar aholisi o‘z hissasini qo‘shgan. Medalning umumiy qiymati 645 dollarni tashkil qilgan. Gul Nabining shaxsan o‘zi medalga yozuv qoldirgan. Unda Trampga afg‘on xalqi nomidan minnatdorlik bildirilgan. Yakunda oqsoqol va qo‘mondon Kobuldagi AQSh elchixonasiga medalni topshirgan.
Oqsoqolning harakatlari toliblarni befarq qoldirmadi. Ular Nabining avtomobiliga portlovchi qurilmani o‘rnatgan va oqsoqol portlash oqibatida qurbon bo‘lgan. “Tolibon” voqea uchun javobgarlikni o‘z bo‘yniga olgan.
Izoh (0)