Belgiyaning Lyej shahrida sodir bo‘lgan otishma oqibatida uch kishi halok bo‘ldi va yana ikki kishi jarohat oldi. Bu haqda France Soir nashriga tayanib, “Interfaks” xabar berdi.
Ma’lumotlarga ko‘ra, otishma oqibatida ikki nafar politsiyachi va bir nafar oddiy fuqaro halok bo‘lgan.
Qurollangan noma’lum shaxs mahalliy vaqt bilan taxminan 10:30 larda shahar markazida otishma uyushtirgan. Shundan so‘ng u bir ayolni asirlikka olib, voqea joyidan yashirinishga uringan. Biroq jinoyatchi politsiyachilar tomonidan otib tashlangan.
Izoh (0)