Amerika prezidenti Donald Trampning rafiqasi Melaniya Tramp operatsiyadan keyin Oq uyga qaytdi, deb yozadi “Gazeta.ru”.
Ta’kidlanishicha, u ayni paytda dam olmoqda va o‘zini yaxshi his qilmoqda.
Melaniya Tramp o‘ziga tezroq sog‘ayib ketishni tilagan barcha kishilarga minnatdorlik bildirdi.
14-may, dushanba kuni Melaniya Tramp buyragida bezarar o‘simta paydo bo‘lgani uchun embolizatsiya muolajasini boshdan kechirdi.
Melaniya Trampning matbuot xizmati xabar berishicha, muolaja muvaffaqiyatli va asoratlarsiz o‘tgan.
OAV e’tiborini jalb qilmaslik uchun operatsiya vaqtida Donald Tramp Oq uyda qolgan. Biroq operatsiyadan bir necha soat o‘tgach, birinchi xonimning holidan xabar olish uchun borgan.
Izoh (0)