Afg‘onistonda poytaxt Kobulda jangarilarni yollash uchun mas’ul bo‘lgan IShID yetakchilaridan biri Abdul Mohin va uning o‘rinbosari Fazlul Rahmon qo‘lga olindi. Bu haqda EADaily xabar bermoqda.
So‘roqlar chog‘ida ular Kobulda IShID otryadlarini tuzishga qaratilgan jinoyatlar va yangi hujumlar uchun zamin yaratishga aloqadorliklarini tan oldi.
Mamlakat milliy xavfsizlik boshqarmasiga ko‘ra, tarmoq yetakchilari IShID jangarilarini oilalari bilan Jaloloboddan Kobulga, so‘ng Juzjon viloyatiga olib o‘tishga hozirlik ko‘rgan. Mazkur rejani amalga oshirishga urinish chog‘ida tashkilotchilar hibsga olindi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)