Misr prezidenti Abdul Fattoh as-Sisi G‘azo sektori chegarasidagi Rafax shahrida joyshlangan nazorat-o‘tkazish punktini ochish to‘g‘risidagi qarorni qabul qildi. Ramazon oyi vaqtida falastinliklar bemalol ushbu o‘tkazish punktidan foydalanishlari mumkin, deb xabar beradi “Interfaks”.
“Bu kabi qaror G‘azo sektorida yashayotgan aholining qiyinchiliklarini kamaytirish maqsadida qabul qilindi”, — deb yozadi Misr prezidenti o‘zining Facebook’dagi sahifasiga.
Rafax shahridagi nazorat-o‘tkazish punkti — G‘azo sektoriga ulangan va isroilliklar tomonidan nazorat qilinmaydigan yagona transport yo‘li. Misr hukumati so‘nggi yillarda xavfsizlik nutqai nazaridan uni yopib qo‘ygan edi.
Izoh (0)