HMD Global Xitoyda qayta tiklangan X-seriyaning birinchi mahsuli — Nokia X6’ni taqdim etdi, deb yozadi Hi-Tech Mail.Ru. Kutilganidek, qurilma premium-klassdagi korpusga “o‘ralgan” o‘rta sinfga tegishli uskunalar bilan jihozlangan. Korpusning 95 foizi shisha bilan qoplangan va yonlarida metall romlarga ega.
Nokia X6 Corning Gorilla Glass 3 bilan qoplangan 5,8 dyuymli va 1080×2280 pikselli FHD+ displeyga ega bo‘ldi. Nokia tarixidagi birinchi “qosh”ga blokirovkadan chiqarish uchun yuzni tanib olish texnologiyasiga ega 16 megapikselli old kamera o‘rnatildi. Oddiy barmoq izi skaneri orqa panelga joylashtirildi, u yerda 16 megapikselli qo‘sh kamera ham bor.
Smartfonga 4 Gb tezkor va 32 / 64 Gb ichki xotira, 3060 mA/soat sig‘imli batareya, 30 daqiqada 50 foizgacha quvvat olish imkonini beruvchi Quick Charge 3.0 funksiyasi o‘rnatilgan. Qurilma Android 8.1 Oreo operatsion tizimida ishlaydi.
Qurilma ko‘k, qora va kumushrang tuslarda chiqariladi.
Nokia X6’ni Xitoyda 21-maydan boshlab 1299 yuan yoki 210 dollarga (4 Gb / 32 Gb), 1449 yuan yoki 235 dollarga (4 Gb / 64 Gb) hamda 1699 yuan yoki 265 dollarga (6 Gb / 64 Gb) sotib olish mumkin.
Izoh (0)