Rossiya prezidentining matbuot kotibi Dmitriy Peskovning ma’lum qilishicha, Vladimir Putinning haydovchilik guvohnomasida yuk mashinalarini haydashga ruxsat beruvchi kategoriya mavjud. Bu haqda matbuot kotibining so‘zlariga tayanib, “Gazeta.ru” xabar berdi.
“Prezidentning haydovchilik guvohnomasida C kategoriyasi (maksimal og‘irligi 3,5 tonnadan ortiq bo‘lgan yuk mashinalarini boshqarish ruxsatini beruvchi) mavjud”, — deydi Peskov.
Shuningdek, uning ta’kidlashicha, Putin ushbu haydovchilik guvohnomasini salkam yigirma yil oldin olgan.
Avvalroq, Putin “KamAZ”ni boshqargan holda Qrimni Rossiya bilan bog‘lovchi Kerch ko‘prigini ko‘rish uchun kelgani haqida xabarlar tarqalagandi.
Izoh (0)