Россия президентининг матбуот котиби Дмитрий Песковнинг маълум қилишича, Владимир Путиннинг ҳайдовчилик гувоҳномасида юк машиналарини ҳайдашга рухсат берувчи категория мавжуд. Бу ҳақда матбуот котибининг сўзларига таяниб, «Газета.ru» хабар берди.
«Президентнинг ҳайдовчилик гувоҳномасида C категорияси (максимал оғирлиги 3,5 тоннадан ортиқ бўлган юк машиналарини бошқариш рухсатини берувчи) мавжуд», — дейди Песков.
Шунингдек, унинг таъкидлашича, Путин ушбу ҳайдовчилик гувоҳномасини салкам йигирма йил олдин олган.
Аввалроқ, Путин «КамАЗ»ни бошқарган ҳолда Қримни Россия билан боғловчи Керчь кўпригини кўриш учун келгани ҳақида хабарлар тарқалаганди.
Изоҳ (0)