Pxenyan oliy darajadagi KXDR—AQSh sammitida ishtirok etish bo‘yicha o‘z roziligini qayta ko‘rib chiqishi mumkin. Bu shu bilan bog‘liqki, Shimoliy Koreya, uning fikricha, bir tomonlama tartibda yadro qurolidan voz kechishni talab qilayotgan mamlakat bilan muzokaralar olib borishni istamaydi. Bu haqda KXDR tashqi ishlar vaziri birinchi o‘rinbosari Kim Gyo Gvan ma’lum qildi, deb yozadi Associated Press.
“Bizni burchakka qisib, bir tomonlama tartibda yadro qurollarimizdan voz kechishga majbur qilish maqsadini ko‘zlaydigan muzokaralar bizni qiziqtirmaydi”, — deya ta’kidladi u.
Kim Gyo Gvanning bayonoti Pxenyanning Seul bilan oliy darajadagi uchrashuvni bekor qilish haqidagi qarori va Vashington bilan ham shunday yo‘l tutishi haqidagi tahdidlaridan keyin yangradi. KXDRning xavotiri Janubiy Koreya 15-apreldan buyon AQSh bilan hamkorlikda o‘tkazayotgan Max Thunder o‘quv mashg‘ulotlari bilan bog‘liq.
Ammo AQSh Davlat departamenti Kim Chen Inning Donald Tramp bilan uchrashuvi bekor qilinishi haqida Oq uyga hech qanday bildirishnoma kelib tushmaganini ma’lum qildi.
Izoh (0)