Eronda faoliyat olib boradigan “Adolat uchun kurashuvchi talabalar” tashkiloti internetda yaqinda Quddusda ochilgan AQSh elchixonasini portlatishga chaqiruvchi varaqani tarqatdi, deb yozadi “Newsru.com”.
Unda elchixonani portlatgan kishiga 100 ming dollar pul mukofoti taklif qilingan. Fors va ingliz tillaridagi targ‘ibot varaqasi, masalan, Eronning Khabarone yangiliklar agregatorida e’lon qilingan.
“Trampning elchixonani Quddusga ko‘chirishi butun dunyodagi musulmonlar va xaloskorlar orasida g‘azab va nafratga sabab bo‘ldi”, — deyiladi varaqada.
Eslatib o‘tamiz, 14-may kuni AQSh prezidenti Donald Tramp Quddusda elchixonaning rasman ochilganini e’lon qilgan edi.
Izoh (0)