AQSh mamlakat prezidenti Donald Trampning 12-iyun kuni Singapurda Shimoliy Koreya yetakchisi Kim Chen In bilan bo‘lib o‘tadigan uchrashuvga tashrifiga tayyorgarlikni davom ettirmoqda, deb yozadi “Vedomosti” AQSh Davlat departamenti vakili Xizer Noyyertga tayanib.
Avvalroq Pxenyan oliy darajadagi KXDR—AQSh sammitida ishtirok etish bo‘yicha o‘z roziligini qayta ko‘rib chiqishi mumkinligi xabar berilgan edi. Bunday bayonot Pxenyanning Seul bilan oliy darajadagi uchrashuvni bekor qilish haqidagi qarori va Vashington bilan ham shunday yo‘l tutishi haqidagi tahdidlaridan keyin yangradi. KXDRning xavotiri Janubiy Koreya 15-apreldan buyon AQSh bilan hamkorlikda o‘tkazayotgan Max Thunder o‘quv mashg‘ulotlari bilan bog‘liq.
Noyyert eslatishicha, Shimoliy Koreya yetakchisining o‘zi ham avvalroq qo‘shma harbiy mashg‘ulotlarning ahamiyatini e’tirof etgan edi. Ular barcha qoidalarga muvofiq o‘tkazilmoqda: oldindan rejalashtiriladi, yaxshi tayyorlanadi. Noyyert ta’kidlashicha, u o‘quv mashg‘ulotlarining bekor qilinish ehtimoli haqida ham, Kim Chen In bilan uchrashuvga tayyorgarlikning bekor qilinishi haqida ham hech narsa eshitmagan.
Izoh (0)