Bir necha kun oldin o‘zbekistonlik professional bokschi Shohjahon Ergashev xitoylik raqibi Jimin Vangni mag‘lubiyatga uchratib, WBA International kamarini qo‘lga kiritgandi.
Bugun, 3-may sanasida Shohjahon Amerika Qo‘shma Shtatlaridan Moskva orqali O‘zbekistonga qaytib keldi. Bokschi Islom Karimov nomidagi Toshkent xalqaro aeroportida tantanali tarzda kutib olindi.
“Vatanimga yorug‘ yuz va faoliyatimdagi ilk kamar bilan qaytib kelganimdan benihoya mamnunman. Ushbu g‘alaba barchamiz, men uchun duoda bo‘lgan butun o‘zbek xalqining g‘alabasi deb bilaman. WBA International kamarini esa biz yoshlar uchun beqiyos sharoitlar yaratib berayotgan yurt otasi – muhtaram Prezidentimizga bag‘ishlayman. Nasib qilsa bundan keyingi janglarimda navbatdagi g‘alabalarim bilan O‘zbekistonimiz dovrug‘uni dunyoga tanitishda o‘z hissamni qo‘shaman”, – dedi Shohjahon Ergashev.
Ma’lumot uchun Shohjahon professional ringdagi faoliyati davomida 12 ta jang o‘tkazgan va ularning barchasida g‘alaba qozongan. 11 ta jangda u raqiblarini nokaut evaziga mag‘lub etgan.
Izoh (0)