O‘zbekiston qonunchiligiga birinchi marta “startap” terminini kiritish taklif qilindi. Bu to‘rtinchi marta muhokamaga qo‘yilgan “Innovatsion faoliyat to‘g‘risida”gi qonun loyihasida ko‘zda tutilgan, deb yozadi Spot.
Qonun loyihasining ushbu talqini avvalgilaridan shunisi bilan farq qiladiki, O‘zbekiston tarixida ilk marotaba “startap” termini qonunchilikda belgilanishi mumkin.
“Startap kompaniya — bu takrorlanuvchi va kengayuvchan biznes-modelni qidirish uchun foydalaniladigan innovatsion tashkilot”, — deyiladi hujjatda.
Yangi talqinda startaplar venchur va investitsiya fondlari, texnoparklar, biznes-inkubatorlar bilan bir qatorda innovatsion faoliyat subyektlariga kiritilgan.
Izoh (0)