“Rosgeoperspektiva” kompaniyalar guruhi (Rossiya, Chelyabinsk) Navoiy viloyatida oltin va misning istiqbolli maydonlarini o‘rganishga kirishdi. Bu haqda Geologiya va mineral resurslar davlat qo‘mitasi raisi Bobur Islomov ma’lum qildi, deb xabar berdi “Spot.uz”.
“Investor loyihani amalga oshirishga kirishdi. Qo‘mita bilan kelishuv doirasida Mistog operatsion kompaniyasini tuzdi”, — dedi Islomov.
Rossiya kompaniyasi joriy yil kuziga kelib birlamchi materiallarni o‘rganish, aerogeofizik tadqiqotlar olib borish va istiqbolli maydonlarda sinov burg‘ulashini bajarishni rejalashtirmoqda. Mazkur bosqichda investitsiyalar hajmi 3 million dollarni tashkil etadi.
Ma’lumot uchun, hozir O‘zbekistonda misning yagona ishlab chiqaruvchisi Olmaliq tog‘-metallurgiya kombinati hisoblanadi.
Izoh (0)