«Росгеоперспектива» компаниялар гуруҳи (Россия, Челябинск) Навоий вилоятида олтин ва миснинг истиқболли майдонларини ўрганишга киришди. Бу ҳақда Геология ва минерал ресурслар давлат қўмитаси раиси Бобур Исломов маълум қилди, деб хабар берди «Spot.uz».
«Инвестор лойиҳани амалга оширишга киришди. Қўмита билан келишув доирасида Mistog операцион компаниясини тузди», — деди Исломов.
Россия компанияси жорий йил кузига келиб бирламчи материалларни ўрганиш, аэрогеофизик тадқиқотлар олиб бориш ва истиқболли майдонларда синов бурғулашини бажаришни режалаштирмоқда. Мазкур босқичда инвестициялар ҳажми 3 миллион долларни ташкил этади.
Маълумот учун, ҳозир Ўзбекистонда миснинг ягона ишлаб чиқарувчиси Олмалиқ тоғ-металлургия комбинати ҳисобланади.
Изоҳ (0)