3-fevral kuni Surxondaryo viloyati Denov tumani Bobur mahallasida yashovchi 1996-yilda tug‘ilgan A.X. tuman IIBga ariza bilan murojaat qildi, deb xabar beradi viloyat IIB matbuot xizmati.
Fuqaro o‘z arizasida 9-yanvar kuniga o‘tar kechasi yashash uyi oldida turgan o‘ziga tegishli “VAZ” 2106 rusumli avtoulovi salonidan 1 dona bozorda sotilish narxi 150 000 so‘m bo‘lgan Jivis rusumli magnitofoni, 1 juft bozorda sotilish narxi 400 000 so‘m bo‘lgan Kenwood rusumli ovoz kuchaytirish moslamasi, 1 dona bozorda sotilish narxi 95 000 so‘m bo‘lgan flesh karta va 1 dona bozorda sotilish narxi 400 000 so‘m bo‘lgan MP5 rusumli avtomashina monitorini noma’lum shaxslar o‘g‘irlab ketganligini bildirgan.
Olib borilgan qidiruv va surishtiruv ishlari natijasida ushbu o‘g‘rilik jinoyatini shu tumanda yashovchi 1996-yilda tug‘ilgan A.D. sodir etganligi aniqlanib ushlangan va ashyoviy dalillar olingan.
A.D.ga nisbatan 6-fevral kuni O‘zbekiston Respublikasi JKning 169-moddasi (o‘g‘rilik) 1-qismi bilan jinoyat ishi qo‘zg‘atilgan. Hozirda A.D.ning boshqa jinoyatga aloqasi bor-yo‘qligi bo‘yicha tergov surishtiruv ishlari olib borilmoqda.
Izoh (0)