AQSh vitse-prezidenti Maykl Pens 9-fevral kuni KXDR rasmiy rahbari Kim Yon Nam bilan uchrashishi mumkin. Ularning ikkalasi ham shu kuni Janubiy Koreyada ochiladigan qishki Olimpiya o‘yinlari sharafiga uyushtiriladigan tantanali ziyofatda qatnashadi, deb yozadi “TASS”.
Ziyofatda 200 ga yaqin mehmon, shu jumladan, chet mamlakatlarning 20 nafar rasmiy shaxslari qatnashishi rejalashtirilmoqda, shu tufayli AQSh va KXDR vakillarining uchrashuvi ham istisno emas, deyiladi xabarda.
Pens Koreya Respublikasiga 8-fevral kuni yetib keldi va Mun Chje In bilan muzokaralar o‘tkazdi. KXDR delegatsiyasi esa 9-fevral, juma kunining ikkinchi yarmida Pxenyandan uchib keladi. Unga KXDR Oliy xalq yig‘ini (parlament) prezidiumi raisi Kim Yon Nam rahbarlik qiladi. Delegatsiya tarkibiga, shuningdek, Kim Chen Inning tug‘ishgan singlisi Kim Yo Chjon ham kiradi.
Izoh (0)