Verner Lipak Osiyo taraqqiyot bankining Markaziy va G‘arbiy Osiyo bo‘yicha departamenti bosh direktori etib tayinlandi. Bu haqda OTB matbuot xizmati ma’lum qildi, deya xabar beradi “Xalq so‘zi”.
Undan oldin bu lavozimni Shon O’Sallivan egallab turgandi.
Lipak bosh direktor sifatida mintaqadagi 10 davlat — O‘zbekiston, Qozog‘iston, Qirg‘iziston, Tojikiston, Turkmaniston, Pokiston, Ozarbayjon, Gruziya, Armaniston va Afg‘onistonda ushbu moliya muassasasi faoliyatini boshqaradi.
U mintaqada OTBning 155 ta loyihasini o‘z ichiga olgan 18,6 milliard dollarga teng portfeli amalga oshirilishini nazorat qiladi.
Yangi bosh direktor, shuningdek, Osiyodagi eng yirik mintaqaviy hamkorlik dasturlaridan biri — Markaziy Osiyo iqtisodiy hamkorlik dasturi doirasidagi ishlarga ham rahbarlik qiladi.
Izoh (0)