АҚШ вице-президенти Майкл Пенс 9 февраль куни КХДР расмий раҳбари Ким Ён Нам билан учрашиши мумкин. Уларнинг иккаласи ҳам шу куни Жанубий Кореяда очиладиган қишки Олимпия ўйинлари шарафига уюштириладиган тантанали зиёфатда қатнашади, деб ёзади «ТАСС».
Зиёфатда 200 га яқин меҳмон, шу жумладан, чет мамлакатларнинг 20 нафар расмий шахслари қатнашиши режалаштирилмоқда, шу туфайли АҚШ ва КХДР вакилларининг учрашуви ҳам истисно эмас, дейилади хабарда.
Пенс Корея Республикасига 8 февраль куни етиб келди ва Мун Чже Ин билан музокаралар ўтказди. КХДР делегацияси эса 9 февраль, жума кунининг иккинчи ярмида Пхеньяндан учиб келади. Унга КХДР Олий халқ йиғини (парламент) президиуми раиси Ким Ён Нам раҳбарлик қилади. Делегация таркибига, шунингдек, Ким Чен Иннинг туғишган синглиси Ким Ё Чжон ҳам киради.
Изоҳ (0)