Ispaniyaning Kadis shahrida ( Andalusiya avtonom hamjamiyati) yuzlarini kapyushon bilan yashirib olgan 20 kishidan iborat guruh kasalxonaga bostirib kirdi va u yerdan avval hibsga olingan narkosavdogarni olib ketdi. Bu haqda “Izvestiya” xabar bermoqda.
Hodisa 6-fevral kuni kechki payt ro‘y berdi. Narkosavdogarlikda gumon qilingan shaxs politsiya ta’qibi davomida ushlangan, biroq jarohat olgani sababli tez tibbiy yordam bo‘limiga yetkazilgandi.
Oradan biroz vaqt o‘tib noma’lum shaxslar uni ozod qildi. Hodisa davomida kasalxona xodimlaridan hech kim jabrlanmadi.
Hozirda politsiya qochoqni qidirmoqda. Huquq-tartibot xodimlari videokuzatuv kameralari yozuvini o‘rganmoqda.
Izoh (0)