“Jaysh Idlib Hur” guruhi jangarisi Mahmud Haj Ismoil Rossiyaning Su-25 samolyotini Suriyada u urib tushirganini aytdi, deb yozadi “Gazeta.ru” Directorate 4 Telegram-kanaliga tayanib.
Mustaqil suriyalik jurnalistlar ittifoqi Northern Syria Observer “Jaysh Idlib Hur” terrorchilik guruhi a’zolaridan biri bilan intervyu uyushtirdi. Jangari Mahmud Haj Ismoil urib tushirilgan Su-25SM samolyoti uchun javobgarlikni o‘z bo‘yniga oldi. U o‘q ko‘chma zenitli raketa majmuasidan emas, ZU-23-2 zenitli qurolidan otilganini aytdi.
Shuningdek, uning so‘zlariga ko‘ra, bu guruh urib tushirgan beshinchi uchar vositadir.
Telegram-kanalda jangarining gapini shubhali deb topishdi va ko‘plab guruhlar vakillari shov-shuvli hodisa fonida o‘zlarini “reklama qilib olish”ga qaror qilganini ta’kidlashdi.
Eslatib o‘tamiz, oldinroq jangarilarga asirlikka tushmaslik uchun o‘zini portlatib yuborgan Roman Filipov Rossiya qahramoni unvoniga tavsiya etilgani bildirilgandi.
Izoh (0)