Latviya sobiq prezidenti Berzinshning sobiq rafiqasi Datse Seysuma eri bilan ajrashganidan keyin moddiy jihatdan og‘ir ahvolga tushib qolganidan nolidi, deb yozadi “TASS”.
“Ajrimdan keyin endokrinolog shifokor oyligi bilan yashayapman. Kasalxonada to‘rt soat ishlashim kerak, ammo aslida haftada bir martagina shunday bo‘ladi, qolgan kunlari ish vaqtidan tashqari ham ishlayman, buning uchun esa hech kim oylik to‘lamaydi… Klinikadan chiqayotib, o‘zimni ruhiy va jismoniy jihatdan tushkun his qilaman, biroq hozirda boshqa yo‘l yo‘q”, — dedi Seysuma.
U, shuningdek, avvallari kiyim-kechak sotib olishga ishlatgan mablag‘ni endi bir necha oy davomidagina ishlab topayotganini aytdi.
Andris Berzinsh 2011—2015-yillarda Latviya prezidenti bo‘lgan. Sobiq prezident millioner bo‘lib, 30 dan ortiq yer uchastkalari va bir qator imoratlarga egalik qiladi. Seysuma bilan 2001—2016-yillarda nikohda bo‘lgan.
Izoh (0)