Кувайт фуқароси Абдулла ас-Салоҳ мамлакат суди томонидан ижтимоий тармоқларда Саудия Арабистони, Баҳрайн ва Бирлашган Араб амирликларини ҳақорат қилгани учун жами 31 йил қамоқ жазосига ҳукм қилинди. Бу ҳақда «РИА Новости» хабар бермоқда.
Маҳаллий Al Qabas нашрига кўра, Абдулла ас-Салоҳ ўтган йил июнидаги Қатар билан муносабатларни узиш қарорлари туфайли Twitter ва YouTube’да Саудия Арабистони, Баҳрайн ва БАА расмийларига қарши фикр билдирган. Бундан олдин у ярим йил давомида Қатарда яшаганди.
«Жиноий суд Абдулла ас-Салоҳни Twitter орқали БААни ҳақорат қилгани учун 5 йил қамоқ жазосига ҳукм қилди. Мазкур ҳукмдан сўнг унинг умумий жазо муддати 31 йилни ташкил этди», — дея хабар беради газета.
Суд айбланувчи Буюк Британияга қочгани ва мамлакат расмийларидан сиёсий бошпана сўрагани сабабли сиртдан ҳукм чиқарди.
Изоҳ (0)