Туркия армияси Сурия шимоли-ғарбидаги Африн туманида суриялик курдларнинг ўзини ўзи мудофаа қилиш кучлари (YPG) назорати остидаги ҳудудларга зарба берди. Бу ҳақда «РИА Новости» хабар бермоқда.
Бу зарбалар Туркиянинг чегара ҳудуди ўққа тутилганига жавобан берилган. Қайд этишларича, Сурия ҳудудидан туриб Туркия чегараси томон ўнга яқин артиллерия зарбалари берилган.
Аввалроқ расмий Анқара YPG’ни ҳарбий жиҳатдан қўллаб-қувватлаётгани учун Вашингтонни бир неча бор танқид қилган эди. Туркия YPG’ни террорчилик ташкилоти деб ҳисоблайди.
Изоҳ (0)