FoxNews telekanali jurnalistlari Eron rahbariyati yig‘ilishlaridagi ma’ruzalarni o‘rganib chiqdi, deb yozadi “RBK”.
Mamlakat oliy rahbari Oyatulloh Ali Xomanaiy, Eron siyosiy yetakchilari va xavfsizlik xizmatlari rahbarlari kuchayib borayotgan norozilik harakatiga qarshi turish va mamlakatda avj olgan tartibsizliklarga nuqta qo‘yish yo‘llarini muhokama qilgan.
Hujjatda, xususan, noroziliklar Eron iqtisodiyotining barcha sohalariga ta’sir qilgani va mamlakat xavfsizligiga jiddiy tahdid tug‘dirayotgani ta’kidlanadi.
“Diniy yetakchilar va hukumat vaziyat yanada chuqurlashib ketishi oldini olish uchun iloji boricha tezroq sahnaga chiqishi kerak, — deya ma’ruzadan iqtibos keltiradi FoxNews. — Bizga Ollohning o‘zi yordam bersin, bu avvalgilariga o‘xshamaydigan juda murakkab vaziyat”.
Izoh (0)