Nigeriya shimoli-sharqida “Boko Haram” terrorchilari tomonidan o‘g‘irlangan 700 dan ortiq kishi asirlikdan qochib ketdi. Bu haqda “Korrespondent.net” xabar bermoqda.
“Asirga olinganlarning qochishi qurolli kuchlarning jangarilarga qarshi yaqinda o‘tkazilgan ‘Chuqur zarba 2’ operatsiyasi bilan bog‘liq edi”, — deyiladi xabarda.
Qayd etilishicha, mazkur operatsiya “Boko Haram”ning dala zavodlari, bomba tayyorlashda qo‘llaniladigan jihozlari, transport vositalari va boshqa elementlarni o‘z ichiga olgan infratuzilmasi va logistikasini yo‘q qilishga qaratilgan.
Barcha qochoqlarga Borno shtatidagi Monguno shahridagi harbiy obyektdan boshpana berilgan.
Asirga olinganlar orasida erkaklar, ayollar va yosh bolalar ham bor. Ularning aksariyati Chad ko‘lidagi turli orollarda fermer sifatida ishlashga majbur bo‘lgan.
Izoh (0)