Donald Tramp Qo‘shma Shtatlar Afg‘onistonda mag‘lubiyatga uchraganidan hafsalasi pir bo‘lgan, shu sababli Islomobodni tanqid qilmoqda. Bu haqda Pokiston tashqi ishlar vaziri Xo‘ja Muhammad Asif ma’lum qildi, deya xabar beradi “TASS”.
“Tramp AQShning Afg‘onistondagi mag‘lubiyatidan darg‘azab. Bu Pokistonga ayblovlar bilan tashlanayotganining yagona sababi”, — dedi Asif Pokistonning Geo TV telekanaliga bergan intervyusida.
Vazir AQShni Afg‘onistonga harbiy kontingent jo‘natganini tanqid qildi va bu mamlakatdagi mojaroni faqat muzokaralar yo‘li bilan bartaraf etish mumkinligini bildirdi.
Eslatib o‘tamiz, oldinroq Tramp AQSh Pokistonga moliyaviy yordam ko‘rsatib, “ahmoqlikka yo‘l qo‘ygani”ni bildirgan va mamlakatni terrorchilarga boshpana berishda ayblagandi.
Izoh (0)