Hindiston va Pokiston yil boshida yadro obyektlari va vositalari, shuningdek, qo‘shni mamlakatdagi qamoqxonalarda bo‘lgan ushbu mamlakatlar fuqarolari ro‘yxatlari bilan ayirboshlashdi, deb yozadi “TASS”.
Har yil boshida Nyu-Dehli va Islomobod 1988-yilda imzolangan yadro obyektlariga hujumlar oldini olish haqidagi shartnomaga muvofiq shunday ro‘yxatlarni bir-biriga beradi.
Ushbu hujjat ikki qo‘shni mamlakat bir-birini o‘z hududlaridagi yadro obyektlari haqida ularga ruxsat etilmagan hujumlar oldini olish maqsadida xabardor qilishini ko‘zda tutadi. Ushbu chora-tadbir Janubiy Osiyoda xavfsizlikni qo‘llab-quvvatlash bo‘yicha eng muhimlaridan biri hisoblanadi. Ilk ayirboshlashuv 1992-yilning 1-yanvarida bo‘lib o‘tdi.
Bundan tashqari, bu yil tomonlar bir-biriga qo‘shni mamlakatning o‘z qamoqxonalaridagi fuqarolari ro‘yxatlarini ham berdi. Nyu-Dehli Islomobodga Hindistondagi pokistonlik mahbuslar — 250 nafar fuqaro shaxs va 94 baliqchi ro‘yxatini taqdim etdi. Pokiston Hindistonga taqdim etgan ro‘yxatdan esa 58 nafar fuqaro shaxs va 399 baliqchidan iborat hindistonlik mahbuslar o‘rin olgan. Bu odamlarning ko‘pchiligi qo‘shni mamlakat hududiga noqonuniy tarzda kirganligi yoki uning suvlarida baliq tutganligi uchun qo‘lga olingan.
Izoh (0)