Kaliforniyaning Sitres Xayts shahrida ofisga o‘g‘irlik maqsadida kirmoqchi bo‘lgan erkak mo‘riga tiqilib qoldi. Bu haqda KCRA Sacramento ma’lum qildi.
32 yoshli Jessi Berube o‘zi 911 ga qo‘ng‘iroq qildi va quvurga tiqilib qolganini xabar berdi. Voqea joyiga kelgan politsiyachilar u mo‘ri orqali ofisga kirmoqchi bo‘lganini aniqladi.
“U bunga muvaffaq bo‘lmadi, mo‘riga tiqilib qoldi va u yerdan chiqolmadi. Shundan so‘ng yordam chaqirishga majbur bo‘ldi”, — dedi politsiya vakillari.
Berubeni ozod qilish uchun maxsus qurilmadan foydalanishga to‘g‘ri keldi. U mo‘ridan chiqarib olinganidan so‘ng hibsga olindi.
Izoh (0)