Калифорниянинг Ситрес Хайтс шаҳрида офисга ўғирлик мақсадида кирмоқчи бўлган эркак мўрига тиқилиб қолди. Бу ҳақда KCRA Sacramento маълум қилди.
32 ёшли Жесси Берубе ўзи 911 га қўнғироқ қилди ва қувурга тиқилиб қолганини хабар берди. Воқеа жойига келган полициячилар у мўри орқали офисга кирмоқчи бўлганини аниқлади.
«У бунга муваффақ бўлмади, мўрига тиқилиб қолди ва у ердан чиқолмади. Шундан сўнг ёрдам чақиришга мажбур бўлди», — деди полиция вакиллари.
Берубени озод қилиш учун махсус қурилмадан фойдаланишга тўғри келди. У мўридан чиқариб олинганидан сўнг ҳибсга олинди.
Изоҳ (0)