Germaniya kansleri Angela Merkel va Turkiya prezidenti Rajab Toyyib Erdo‘g‘on ko‘p oylardan buyon birinchi marta 30-noyabr kuni telefon orqali suhbatlashdi, deb yozadi “Korrespondent.net”.
Yetakchilar ikki mamlakat o‘rtasidagi munosabatlarni rivojlantirishni muhokama qildi. Ikkala siyosatchi ham Germaniyada hukumat shakllantirilganidan so‘ng, ikki tomonlama aloqalarga “yuqori darajada yangi turtki berish lozim” degan fikrga qo‘shildi.
Merkel va Erdo‘g‘on, shuningdek, Anqara va Yevroittifoq tomonidan imzolangan qochoqlar haqidagi shartnomani muhokama qildi, unga muvofiq Turkiya Gretsiyadagi Egey orollariga kelgan qochoqlarni o‘z hududiga joylashtiradi, buning evaziga esa Yevroittifoq Anqaraga muhojirlarni boqish uchun pul beradi.
Izoh (0)