Германия канцлери Ангела Меркель ва Туркия президенти Ражаб Тоййиб Эрдўғон кўп ойлардан буён биринчи марта 30 ноябрь куни телефон орқали суҳбатлашди, деб ёзади «Корреспондент.net».
Етакчилар икки мамлакат ўртасидаги муносабатларни ривожлантиришни муҳокама қилди. Иккала сиёсатчи ҳам Германияда ҳукумат шакллантирилганидан сўнг, икки томонлама алоқаларга «юқори даражада янги туртки бериш лозим» деган фикрга қўшилди.
Меркель ва Эрдўғон, шунингдек, Анқара ва Евроиттифоқ томонидан имзоланган қочоқлар ҳақидаги шартномани муҳокама қилди, унга мувофиқ Туркия Грециядаги Эгей оролларига келган қочоқларни ўз ҳудудига жойлаштиради, бунинг эвазига эса Евроиттифоқ Анқарага муҳожирларни боқиш учун пул беради.
Изоҳ (0)