Yoqutiston poytaxti Yakutskda ustidan suv quyilgan it -50 daraja qahratonda ko‘chada qoldirildi. Bu haqda Storm24 xabar bermoqda.
Volontyorlarga uyining hovlisidagi budkada it tiriklayin muzlayotganini bildirgan ayol murojaat etgan.
“Bir yoshga to‘lgan zotli it tubsiz budkada tiriklayin muzlayapti, yordam bering! Xo‘jayini uni cho‘miltirib, sovuq budkada qoldirdi, na ovqat, na suv bergan”, — deyilgandi ayolning xabarida.
Voqea joyiga kelgan volontyorlar chindan ham namiqqan jonivor jon talvasasida ekaniga guvoh bo‘lgan.
Qadimgi samoyed zotiga mansub it kasalxonaga olib ketilgan. Bu yerda unga o‘lat tashxisi qo‘yilgan va shifokorlar uni jonsizlantirishga majbur bo‘lgan.
Mazkur holat yuzasidan Rossiya Davlat dumasi deputatlari Bosh prokuraturaga murojaat etgani bildirilmoqda.
Izoh (0)