Tim Kuk Apple ishqibozining “yaqin vaqt ichida Mac Mini yangilanadimi?”, deya jo‘natgan xatiga javob qaytardi. Mac Mini’ning yangi versiyasi 2014-yildan buyon chiqmagan.
Kompaniya bosh direktorining ma’lum qilishicha, u hozircha bu borada batafsil axborotni ma’lum qila olmaydi, biroq model unutilmagan. Bu haqda, MacRumors saytiga tayanib, TJournal xabar berdi.
Mac Mini’ni yaxshi ko‘rishingizdan xursandman. Biz ham uni yaxshi ko‘ramiz. Mijozlarimiz Mac Mini’ni ishlatishning juda ko‘p ijodiy va qiziqarli usullarini topgan. Hozir batafsil ma’lumotlarni aytadigan vaqt emas, biroq biz yaqin kelajakda ushbu modelni mahsulotlarimizning muhim qismiga aylantirishni rejalashtiryapmiz.MacRumors’ning ta’kidlashicha, Kuk Apple’ning marketing bo‘yicha direktori Fil Shiller aytgan so‘zlarni qaytargan. O‘shanda Shiller ham ushbu model “muhim mahsulotlaridan biri” ekanligini qayd etgandi.Tim Kuk, Apple bosh direktori
Shuningdek, Shiller ushbu qurilmani har yili kompyuter almashtiravermaydigan professionallar o‘z ishida qo‘llagani uchun yangilanmaganini so‘zlagan.
Mac Mini — Apple’ning mini kompyuteri. Uning asosiy afzalliklari ixchamligi, ishlash tezligi va arzon ekanligida.
Izoh (0)