Тим Кук Apple ишқибозининг «яқин вақт ичида Mac Mini янгиланадими?», дея жўнатган хатига жавоб қайтарди. Mac Mini’нинг янги версияси 2014 йилдан буён чиқмаган.
Компания бош директорининг маълум қилишича, у ҳозирча бу борада батафсил ахборотни маълум қила олмайди, бироқ модель унутилмаган. Бу ҳақда, MacRumors сайтига таяниб, TJournal хабар берди.
Mac Mini’ни яхши кўришингиздан хурсандман. Биз ҳам уни яхши кўрамиз. Мижозларимиз Mac Mini’ни ишлатишнинг жуда кўп ижодий ва қизиқарли усулларини топган. Ҳозир батафсил маълумотларни айтадиган вақт эмас, бироқ биз яқин келажакда ушбу моделни маҳсулотларимизнинг муҳим қисмига айлантиришни режалаштиряпмиз.MacRumors’нинг таъкидлашича, Кук Apple’нинг маркетинг бўйича директори Фил Шиллер айтган сўзларни қайтарган. Ўшанда Шиллер ҳам ушбу модель «муҳим маҳсулотларидан бири» эканлигини қайд этганди.Тим Кук, Apple бош директори
Шунингдек, Шиллер ушбу қурилмани ҳар йили компьютер алмаштиравермайдиган профессионаллар ўз ишида қўллагани учун янгиланмаганини сўзлаган.
Mac Mini — Apple’нинг мини компьютери. Унинг асосий афзалликлари ихчамлиги, ишлаш тезлиги ва арзон эканлигида.
Изоҳ (0)