BMT Aholi fondi vakili Richard Kolloj “Turli dunyolardagi hayot” ma’ruzasini taqdim etdi, deb yozadi “TASS”. Unda katta e’tibor ijtimoiy-iqtisodiy tengsizlikka qaratilgan.
“Bugungi kunda dunyodagi 2473 milliarderning davlati dunyo mamlakatlarining beshdan to‘rt qismining 2015-yildagi yalpi ichki mahsuloti jamlanmasiga teng”, — dedi Kolloj.
Wealth-X tahlil kompaniyasi ma’lumotlariga ko‘ra, sayyoraning barcha milliarderlari moliyaviy aktivlari 7,7 trillion dollardan ziyodga baholanadi.
“Bu shuni bildiradiki, ba’zi imtiyozli uy xo‘jaliklari milliardlab dollar budjetga egalik qilayotgan bir paytda, ko‘pgina yuz millionlab oilalar kuniga 1,25 dollarga qiyinchilik bilan kun kechirmoqda. Eng badavlatlar va eng qashshoqlar o‘rtasidagi tubsiz jarlik nafaqat adolatsiz hisoblanadi, balki iqtisodiyotni, jamiyatni va davlatlarni xavf ostiga qo‘yadi”, — deyiladi hujjatda.
Izoh (0)